Mès, be n'ei estranh aqueth nom ????
Nham, haciam doncas un shinhau d'istòria ...
Eths Micalets (en francés : Les Miquelets) n'èran pas qu'ua tropa de
bandolèrs de qui, enas Pireneas, e s'i hessen per delà eths XVIIau e XVIIIau
sègles a espantar era gent e'ths senhors tà tirar-ne riquèssas e doncas
manejar er'economia tota.
Tad escàger-s'i a s'at tot contra-rotlar, que s'i espandín en Lavedan mes
que tot páur, cranhença e miaças de murtres entre d'autes (eth Lavedan
que d'ei ua vath deras Pireneas de qui s'esten en Hauta Bigòrra a capsús de
Lorda, en bèth tornar a pojar entiò aths uelhs deth gavi de Pau).
Eth Miquelòt de Prat que n'èra eth loé capdau. Eth tèrmi de
" micalets " qu'ei vajut costumèr entath monde de per nosta.
|
|
E bitara ????
Er'associacion " Eths Micalets " qu'estè apitada ara tardor de
1998 tà hèr víver era lenca bigordana e mes enlà occitana peth
biais dera canta tradicionau, element màger dera cultura nosta.
Eths Micalets que d'ei ua tropa de qui s'estira entremei quate e ueit cantaires, joens
(a maugrat de que'n siam de mensh en mensh...) e esberits, de qui s'an hèit eth
prètz-hèit d'acomanar ath monde eras costumas de bigòrra, plan gavidadas
peth amor dera canta e dera lenca bigordanas.
De mantuas caras son eras nostas activitats:
- concèrts (glèisas, seradas e espectacles...),
- animacions de hèiras, salons,
- manifestacions hestivas tradicionaus (medievaus, occitanas, bigordanas...),
- e plan solida coma cada un de qui sap víver, que nse hè gòi de
hèr víver aperitius (privats tau coma publics),
- e bèras autas causas encòra...
|
